Oid

Oid is romantisch
aber nei is modern.
Oid wern mir sei
Und nei woin mir wern

Nei wern mir nimmer
Des is vorbei
Oid is romantisch
Natürlich ned allawei.

Häuser san scheener
Und gmiatli sands a.
Wenn‘s nimmer nei san,
Na stengas anders da.

Nei wern de nimmer
Des is vorbei
Oid is romantisch
Wenn auch ned allawei.






Oid is ned schlechter
Auch wenn mancher des schreibt.
Mir woin so gern,
Daß ois aso bleibt.

Nei wern mir nimmer
Des is vorbei
Oid is romantisch
Natürlich ned allawei.

Oid wern is Schicksal
Des kimmt von alloa.
I wui’s grad aso
Am liebsten mir zwoa.

Nei wern mir nimmer
Des is vorbei
Oid is romantisch
Vielleicht soi des aso sei.

© Peter Gräfen

weiter
zurück